مولود جديد ..بقلم الشاعر / محمد صبري

#مولود جديد

لما سلامي بيوجعك
طب أودعك؟؟؟!!
وننطوي تحت اللوا
زي ما غيرنا إنطوي
إيه بس إيه هيهزنا
شوية دموع !!!!وقت الرحيل!!!!
في القرب بندوق الألم
أكتر كتير
وإنتي مربوطة ب شعرة
متنسلة بطرف الفتيل
حبيبتي
مش انا الشاطر حسن
نكس رايات المستحيل
حاولت ياما
لكن فشلت
أشد ف الصاري يميل
وإن كان بإيدي
أفك أسرك من عنيكي
وأمحي ضلي إللي ساكن
لسه فيكي
وإن كنت أقدر أرجعك
مولود جديد
صدقيني
هرجعك

محمد صبري