عينيها بتحكي بقلم الشاعر : إسلام دهشان

عينيها بتحكي قصتها - ف بصتها 
و حلت الف لغز غريب ! 
و كف إيديها من لمسة - يخلي أقوى جرح يطيب 
و بالتقريب : 
بقابل طيفها كل صباح على الشباك 
ف بضحكله - يقول بهواك
بتمتم بالكلام و اخجل - عشان تقبل
تعيش مع قلبي وتلازمه
إيديا كمان بيتعازموا - على السلامات
و لو لون طيفها تاه مره
بحس بروحي م الأموات
كتبتلها :
عدد جوابات كتير جدا
بعتلها :
عدد جوابات كتير جدا
و عيني بتبكي دون قصدي
و هي بتتجرح عمدا . .
و سلمنا - في آخر مرة كت بالفرض
و علمنا - جميع العاشقين ع الارض
قواعد حبنا بالروح ،،
بعيد جايز ؛
عشان القلب بات مجروح
و تسأل هيا من تاني - و تستفسر
و بتقصر - كلامها عكس عادتها
نسيتني خلاص ؟
نسيت نفسك ؟
نسيت إنك كمان اخطأت ؟
بتيجي عليا و تبيعني - عشان أنا بنت
..
و أنا ساكت
ما رديتش بكلام خالص
و قلبي القاسي بيعيط
و حن و رق قام قال لي
جراح ياما بدون دكتور - مع الأيام بتتخيط ..