قصاد بلكونتي بقلم الشاعر : محمد صابر الخولي

قصاد بلكونتي لو كنتي
فضلتي وممشيتيش جايز
قزايز ريحتك الفاضية
كانت هتعدي الف وكسر...
قصاد بلكونتي لو كنتي
فضلتي وممشيتيش جايز
ركايز ضحكتي الناقصة
كانت تكمل في وقت الفجر..
ويمكن كنت هثبت لك
بأن الليل مالوش اخوات
وحيد زيك وانا غايب
ويمكن كنا هنسافر
على جناح نصه كان شَعرِك
ونُصه إننا حبايب...
ويمكن كنتي هتلمي
غسيلكم تلتوميت مرة ..
وتكسر طوبتي شباكك
لو اتأخرتي يوم برة.. لبعد العصر
قصاد بلكونتي لو كنتي
 فضلتي وممشيتيش جايز
قزايز ريحتك الفاضي
ة كانت هتعدي الف وكسر..
ويمكن كنا هنعدي
لآخر ركن في المسموح..
ويمكن كنا وقت نروح ..
ونرجع نحتمي فينا..
أو الاحلام تودينا..
لأبعد جنة فوق الأرض..
ويمكن ورد بلكونتك
مكانش أستاء من التكشير...
مشيتي وسيبتي عضم الشيش
واسمك يلعنوا الطباشير...
مشيتي وسيبتي شهر كريم
بينقص لون ليالي القدر..
قصاد بلكونتي لو كنت
ي فضلتي وممشيتيش جايز
قزايز ريحتك الفاضية
 كانت هتعدي الف وكسر..