محتاج بقلم الشاعر : أمير أشرف

محتاج محتاجش
إني أدخل قصة حب
و متكملش 
أنا فعلا محتاج أرتاح
أنا محتاج محتاجش إني أحتاج
أهرب من كتر الأوجاع
أنا محتاج فعلا إني انام
من غير ماخد أي علاج
محتاج محتاجش
إني أشتاق لحبيب كان
مبيشتاقش
أنا نفسي بجد أقول مش راجع
و مرجعش
أنا محتاج محتاجش
إني ف يوم الجأ للوحدة
محتاج أخرج م الضلمة و م الأحزان
محتاج مهتمش للناس
اللي يفكر إنه يفارق
عادي يفارق و مبقاش " زعلان "
محتاج محتاجش للناس تاني
أو إني أكون شخص أناني
محتاج فعلا إن أنا محتاجش
إني أفضل بالساعة أتكلم
مع ناس فعلا مهتمتش
و قبل مخالص نص كلامي
بكل بساطة تقول معلش