كسر المستور بقلم الشاعرة : رماح رماح

سنابل قلبه كت عاقر
عشان الأرض اصلا بور
بيرويها بدمعة كذب وخيانة
ويبدر زور
وينعشها بكلمة تعاهد الأيام
وضحكة تفور

ويحلف إن قلبها عاش
عشان سمعت رنين صوته
نغم مسحور
كانت تحضن ف دقاته
وساكنه حر نبضاته
وراضيه بشعر أبياته
في قلب سطور

سِفاح الدمع خان يومها
كتير الصدق ف الحكايات
وأجهض كل أحلامها
عشان باب الجفون رافض
تنام أموات..

ف شد بواقى حيل دايب
على حفنة أمل سايب
على كام وصف كان يرسم
بلون غايب
تشوف أشباح عديمة اللون
كما البنور

بلمعة زيف بتتحرك وتتشكل
وتتلون ك حربايه
يزيد الطيف ويعمى الشوف
وتتحكم أصول الحبكة ف رواية
حجاب الستر كان عاجز
يدارى ف كلمته دهاليز
بيجرى شوقها ف حكايه
كسر كل اللي كان مستور