بقلم ...مي علاء

كوباية شاى..فنجان قهوة 

ونظرة عين 

تنهيدة بتيجى على سهوة 

ودفء ايدين 

وصوت فيروز..وصوت ماجدة 

يبثوا الحب ف القعدة مابين الاتنين 

كان جو مطير 

كان عشق غزير 

حدوتة حب ف الاساطير 

قالتله بغير..!

قالها ياحبيبتى

يا صديقتى واختى 

يا نصيبى وبختى 

ياحكاية سهرت ملايين 

انا بحبك بقيت مجنون 

ف يا ليّلى كفاية ظنون 

بلاش غيرة ..دا انا قلبى بيتقطع من الحيرة !

حياة الحب الى جامعنا ..تفضيها بقى السيرة 

واطمنى 

انا اعمى ..الا لما لما اشوف وشك 

ولسانى مش بيتحرك الا فى غزل وصفك 

وانا المأسور ما بين قلبك وطياته 

وانا الخارج ما بين نفسك وأناته 

وانا المحتاج لشوفتك مهما نتلاقى 

ومهما عيوننا تتجمع تظل عيونى مشتاقة 

ياملكة مبعترة كيانى ..وماحية كل احزانى 

يا سارقة راحتى وامانى 

بموت فيكى يا قاتلانى 

مفيش ف الدنيا دى انثى ف جمالك 

دا حتى شوفى حسادك 

بيدعوا لاجل نتفرق 

لكن قلبى رافض يغرق 

دا انا وانتى ..اتنين ..عايشين ..بروح واحدة ومرتبطين