واقع وخيال ...بقلم // مصطفي عبد اللطيف

واقع .... وخيال 
وحلم بسيط بيتمرد على اﻻول 
ونفسه يعيش 
واقع .. وخيال 
وطفل في مهده بيتحول 
لكهل شايل هموم تهد جبال
وحظ مفيش
ومركب سايرة في البحر
فوق منها صياد
بصبر جبال بيعاند
وشبكة ظلم بتواعد
حلم بسيط كان مولود .. ونفسه يعيش
وحبيبة بتبكى في سريرها
بتستنى بس رسالة
كنوز الدنيا وﻻ حاجة
من دمعة واحدة من روحها
لو دورت على كل جرح فى جروحها
وحلم عايشه علشانة متﻻقيش
خيالها كبير ..
واقع .... وخيال
وحلمى بسيط
نفسى اتمرد على الواقع
بدامعة زايغة من عينى
ودقة بقلى بتحرك
مركب الصياد
وشبكة ظلم اسرانا
وبتساند
فقير كل حلمة كان رغيف العيش
واقع ... وخيال
وقدر مكتوب
وصحف جفت لما كتبت عليها اقﻻم
وحلم اتعطل من اﻻحﻻم
وحلم ندم انه اتولد
من قسوة اﻻيام
وحلم اتوئد
بكلمة يأس
واندفن وسط جشع وخوف وظﻻم
وحلم اتنازل عن حقة في الحياة
كان عارف انه هيتصدم بالواقع
وبرضه يكون مصيره حطام
واقع ... وخيال
ونفس شايله هموم على اكتافها تهد جبال
ونفس ساكته . بتلملم فى جروحها
جواها كﻻم لو يتقال
كان زلزل الواقع بمية زلزال
وحلم بسيط انتحر جوه نفس
اﻻمل منها اتشال
وادينى عايش بدور على حلمى
مابين
واقع .... وخيال