صباح خيرك ..بقلم الشاعرة / صابرين مراد

#صباح_خيرك

صباح خيرك فى ايد غيرك
صباح متحنى بس بدم
صباح البسمة مرسومة
على شفايفك وعينك هم

صباح الغربة جواكى
صباح المر فى هواكى
بقول سبحانه حلاكى
وخلاكى لكونه الأم

صباح عاشق لأحضانك
وعشقه تواه فى اكفانك
صباح الضحكة للجلاد
يموت الحر علشانك
صباح خيرك فى ايد غيرك
صباح متحنى بس بدم

يا ساكنة فى الوريد زيناه
وسامعة بقلبي قولة الآه
ياحرمانى حقوق الخلق وانا ولدك
وكل غريب سفيه صايناه

صباح خيرك يااارب يكون نصيب اهلك
صباح متهنى متحنى ويستهالك
صباحك علم يمحى الجهل ويشغالك
صباح حبك ،،ونورك عم

#صابرين_مراد
#ديوان_أحن_فأكتب