لما تبقي الدوله في اخر الطابور...بقلم / محمد أحمد فرحات

لما تبقي الدوله في اخر الطابور
والمراكز والسطور
يقفلوا الجامعه بمدفع
يفتحوا اكبر قبور
بصمجيه عصبجيه
ناس تتاجر في القضيه
يسرقوا جلد الضحيه
ينصبوا اضخم خازوق
يبقي مين يعمل مؤامره
اللي ضحي ولا تجار القمار
اللي باعها ولا عقل لوحده ثار
ما تخافوش اوي من السقوط
هي ساقطه ولابسه في اجدعها
سور
هي شاربه الكاس وطافحه
علي الليالي وعلي الشهور
هي بتصدر ولادها
للسكك للدكك للجحور
ايوه سقطت والنتيجه
صفر في كل العصور