عاشق تراب خطاويك....بقلم / حسين ماكس

عاشق تراب خطاويك
كان كل همهُ يصون
وم العيون يتاويك
باع الجمل بالرُخص
لجل شِرا الجمّال
مالركّ ع النيّه
والنيّه ب الاعمال
نسي ان رميِ الطـُعم
بيزود التصبير
وفضفضه للعذب
بتداوب الاحمال
مانتي كمان ناسيا
اني ربيع عمرك
اني شعاع قمرك
اللي يمص الشمس
لجل مايهديكي
اطرش كفيف ابكم
لجل مايهديكي
مبقاشي حمل القوم
دعاه ربه ٢٠٠٠يوم
لجل مايهديكي
كل العسل مغشوش
والقهوه من فمك
مستنكراها وشوش
روحي طولّي ع الكورنيش
وشوفي كيف اسمك
محفور كما الماركه
ع كل شجره حيداه
بنطالي ابو رُقعه
لسه بيستذكر
ضمت ايدينا لبعض
لسه بيستذكر
كيف كنا نستحلي
الجري ف المطره
ومهملين الرعد
لسه الكازوز مدفون
ف الطمي ب ايدينا
مستني نرجعله
ونمرجحه برفّه
فستانك ابو رفه
والجزمه ام كعوب
اللي زادت طولك
جعلت سِوايا سِواك
وفمي للتقبيل
كان مالي جوفهُ سواك
لجل مايتعطـّر
كل النساء عبله
وانا ليها مش عنتر
يابحر صافي تمام
انا كنت ليك كالنخل
بحجب ضلوع الريح
عن لمس موج شطّك
لجل ماتتعكـّر
فزاي اكون مرجان
بيزغزغ الذُعنُف
وانتي تقصّيني
وازاي اكون شاريِك
خلخال دهب بندُق
وانتي دهب صيني
وازاي اعيش ليكي
وازاي اعيش بيكي
ك عود قصب مفتول
وانتي تمصّيني
مصي كمان حيلي
زيدي الهموم كيلي
واتدغرّ واتكبّر
لكن بلاش تنسي
ان الألاه اكبر