عادى ياعم ..بقلم / دميانة مصري

عادى ياعم
مالك بس قافش ليه .!
اوعى تكون ،،
زعلان ع الدم .!
اومال انا مالى ؟!
مش قافش ولا حاسس بيه
يمكن علشان اتعودت ؟!
بس تعرف ،،
انا كنت زمان
لما بشوف
نقطة دم ماليها الخوف
كنت بخاف ،
انا كنت زمان
مفهوم القتل عندى
بيكون ف حرب ع يد جندى
مش سياف
كنت وكنت وكنت
زمان ..
لكن دلوقت
اتعودت ،،
ع الدم
وع القتل ياعم
ايوة صحيح ..
واتعودت على الارهاب
دة هو الباب
والدمار ، يدخل منه
لكن ذى ماهقولك
وهفضل اعيدها واقولك
ولا داعش ولا 100 ارهاب
هيفرق صف الاديان
دة جدار عالى يابنى عليك
مهما هتعمل أو هتحارب
راح يتهد فوق معاليك
ونصيحة منى :
أبعد عن المصريين
أصل اللعبة بتاعتك خايبة
وحبالها م الأول دايبة
مش هتأثر كلمة دين ..