احكيلك عن نفسى شوية......بقلم / مصطفي عبد اللطيف

احكيلك عن نفسى شوية
انا لحن ومقطع اغنية
وواحد تايه ف عنيكى

احكيلك عن نفسى شوية
انا واحد عاشق اراضيكى

احكيلك عن نفسى شوية
انا اسيب الدنيا واجيكى

احكيلك عن نفسى شوية
انا قاتل مقتول وضحية
واعاند الدنيا وافديكى
انا طير اتخلق بيرفرف
ساعات معشوق
وكتير عاشق
بيطير فى سماكى وبيهفهف
فارد جناحاته مدى اديكى

احكيلك عن نفسى شوية
انا قصة جميلة فى ديونك
انا شامم ريحتك فى مكانك
انا عاشق عندك يا عندية

احكيلك عن نفسى شويه
انا طفل اتعلق بحبالك
وحالى هوا كمان حالك
انا عاشق غنوة موالك

استنى عليا بس شويه
دا انا واحد تايه ف عنيكى