حللـي قيـودك يا غربـة ........شعر/ عبد الناصر السمطي

حللـي قيـودك يا غربـة
---------------------------

غــربــة في الكــــآس
فـــــوار رمــل
ما بيفـتـت التبــاريــــح
وخـــوفـك شـــايـــــف
من وراء الضــي
بحــــر جـــــريـــــــح
مـاسـك على الـــوردة
في سكتك كـــون ما بيصلي
في زحمة الجذور التراويـــح
غـــربــة .....
في ســرة الـــوجـد وطـنْ
بتغـني في نــوحــــة
المسـافـــات مصــابيــــح
راحــل في جســــدي
وللا في شقـــوق النهــر
ساعة مغربيــة ضريــــح
أقــرب من الغـربـــة
بـدمعتـيـن دمي
وأبعــد مـن الـــــروح
بصـرختـيــن همي
بيــن الآهه ...
وبيـن صمت التسـابيـــــح
آه ..... يا غربــة
في تـوب الشمـس منسيٌـــة
بتشـاور لنخل النـدى ليل
ولعمــري اللي راقـــد
علي سرير النجـم أمنيٌـــة
قدَمِك في سكـون الزهر
معْلـٌم .. شـــوق ونــوح
وضحي يغسـل
في رغبـة المحـال أدعيـــٌة
آه .. يا غـربـة ملكـاني
وملكتي إنفعـال النبــات
في دمـــوع الأوليــــٌة
حلـٌلي قيــود العشـب
شعـــاع طـــارح
علي جسر الـرؤى أمسيٌــة
تـداعب الـرجا واللقـا
والجــرح اللي كان
شــايل ليــومي فضـا
والشمـس خيـمـة ورديٌــة
دي غربــة وطـنْ
وللا غربــة بــدنْ
في بشــايـــر المنـيـــٌة
حلـٌلي قيـــودك
دا الكــون عصفــور
بيـنـقـر في وشم الصبــاح
والسمـا وردة بريــــٌة
حللي قيــودك يا غــربـة