عروسة المولد ____ بقلم / لمياء حمدي

ﻋﺮﻭﺳﺔ ﺍﻟﻤﻮﻟﺪ
***********
ﻳﺎ ﻋﺮﻭﺳﺔ ﺍﻟﻤﻮﻟﺪ ... ﻟﻤﻠﻤﻴﻦﺍ
ﺍﺭﺟﻌﻲ ﺑﻴﻨﺎ ﻟﻤﺎﺿﻴﻨﺎ
ﺍﻟﻠﻲ ﺭﺍﺡ ﻭﻛﺎﻥ ﺳﻌﻴﺪ
*****************
ﻟﻮﻧﻲ ﻟﻨﺎ ﺃﻳﺎﻣﻨﺎ ﺑﺎﺣﻤﺮ
ﺑﻤﺒﻲ ﻭﺍﺑﻴﺾ ﻭﺍﺧﻀﺮ ﻭﺃﺻﻔﺮ
ﺣﺮّﻣﻲ ﻋﻠﻴﻨﺎ ﺍﻟﻠﻮﻥ ﺍﻻﺳﻤﺮ
ﻟﺒﺴﻴﻨﺎ ﻫﺪﻭﻡ ﺍﻟﻌﻴﺪ
*****************
ﺩﺍ ﺃﻧﺎ ﻓﻲ ﺍﻟﻜﻮﻥ ﺩﻩ ﺩﺍﻳﺮ
ﺩﺭﻭﻳﺶ ﺑﺘﻨﻮﺭﺓ ﻭﺣﺎﻳﺮ
ﺑﻠﻤﻠﻢ ﺍﻟﺨﻄﻮﺓ ﻑ ﺩﻭﺍﻳﺮ
ﻟﺠﻞ ﺍﺟﻴﺐ ﻻﻡ ﺍﻟﻀﻔﺎﻳﺮ
ﻋﻘﺪ ﻟﻮﻟﻲ ﻳﺰﺭﻉ ﺍﻟﻘﻠﺐ ﺑﺸﺎﻳﺮ
ﻭﻳﻄﺮﺡ ﺍﻻﻣﻞ ﺍﻟﺠﺪﻳﺪ
******************
ﻳﺎ ﻋﺮﻭﺳﺔ ﺍﻟﻤﻮﻟﺪ ..
ﺍﻟﻠﻪ ﺣﻲ .. ﻭﺑﻜﺮﺓ ﺟﺎﻱ
ﻳﺎ ﺗﺮﻯ ﺭﺍﺡ ﻳﺒﻘﻰ ﺿﻲ !!
ﻭﻻ ﺍﻻﻣﻞ ﻟﺴﻪ ﺑﻌﻴﺪ !!
**************
ﻭﺍﻟﻠﻲ ﺭﺍﺡ ﻓﻲ ﺍﻟﺪﺭﻭﺏ
ﺭﺍﺟﻊ ﺗﺎﻧﻲ ﻟﺮﺑﻪ ﻳﺘﻮﺏ !!
ﻭﺍﻟﻠﻲ ﺩﺍﺏ ﻡ ﺍﻟﺴﻨﻴﻦ
ﻭﺩﻭﺑﺘﻪ ﺍﻟﻐﺮﺑﺔ ﻑ ﺣﻨﻴﻦ
ﺡ ﻳﺮﺟﻊ ﻟﺤﺒﻴﺒﻪ ﻳﻠﻴﻦ !!
ﻭﻻ ﺑﻜﺮﺓ ﻛﻠﻪ ﻏﻲ
*******************
ﻳﺎ ﻋﺮﻭﺳﺔ ﺍﻟﻤﻮﻟﺪ ..
ﻓﻴﻦ ﻋﺮﻳﺴﻚ
ﻭﻓﻮﻕ ﺍﻟﺪﻭﻻﺏ ..
ﻣﺮﺑﻮﻃﺔ ﻓﻲ ﻛﻴﺴﻚ !!
ﻭﺍﻟﺨﻠﻖ ﺗﺘﻤﻨﻰ ﻗﻤﻴﺼﻚ
ﻭﺍﻧﺘﻲ ﻗﻠﺒﻚ ﻟﺴﻪ ﺿﻲ !!
ﻭﺍﻟﻠﻪ ﻗﻠﺒﻚ ﻟﺴﻪ ﺿﻲ .